مجسّم
ابدأ طلبك

دليل الاستخدام والمفاهيم

دليل الاستخدام والمفاهيم

ايه هو ملف STL؟

STL اختصار لـ "Stereolithography". هو الصيغة القياسية للتصاميم ثلاثية الأبعاد: عبارة عن شبكة (mesh) من المثلثات بتشكّل سطح القطعة.

  • كل برامج التصميم 3D بتقدر تصدّر STL (Fusion 360, Blender, TinkerCAD, SolidWorks…).
  • ملف STL ما فيهوش معلومات عن اللون أو الخامة — دي بنحدّدها إحنا قبل الطباعة.
  • الحد الأقصى للحجم عندنا 40 ميجا.

إيه الفرق بين PLA و PETG؟

الخامةالمميزاتالعيوبالأنسب لـ
PLAسهل، ألوانه متنوعة، ريحته خفيفةينكسر بسرعة، ميصلحش للحرارةديكور، prototypes، ألعاب
PETGقوي، مقاوم للماء والـ UVأصعب شوية في الطباعةأجزاء ميكانيكية، استخدام خارجي

انت محتاج ايه قبل ما تطلب؟

  1. ملف STL — تصميمك الخاص أو من المصادر اللي ذكرناها.
  2. معاينة سريعة في عقلك: شكل القطعة وحجمها التقريبي. لو فيه أجزاء رفيعة جداً ممكن تكسر بسهولة.
  3. اختيار الخامة واللون — هتلاقيهم في صفحة المعاينة بعد الرفع.
  4. **عنوان شحن.
  5. وسيلة دفع — InstaPay أو فودافون كاش.

مفاهيم تانية مفيدة

Layer height (سمك الطبقة)

كل ما الطبقة أرفع، النتيجة أنعم بس الطباعة بتاخد وقت أطول. الافتراضي عندنا 0.2mm.

Infill (الحشو الداخلي)

نسبة الحشو الداخلي للقطعة. الافتراضي 20% — كافي لأغلب الاستخدامات.

Supports (الدعامات)

أحياناً القطعة فيها أجزاء معلّقة محتاجة دعم وقت الطباعة. بنضيفها تلقائياً عند الحاجة.

محتاج مساعدة؟

تواصل معانا على واتساب ولو عندك تصميم معقّد ومش متأكد، ابعتلنا الملف وهنشوفه قبل ما تطلب.